Policia e Kurbinit ka arrestuar një 52-vjeçar, pasi qarkullonte me armë zjarri kallashnikov me vete.
Në pranga ka rënë shtetasi B. H., banues në Gjormë, Kurbin.
“Ky shtetas qarkullonte me armë zjarri kallashnikov me një krehër me 28 fishekë luftarak. Më pas, operacioni ka vijuar në banesën e tij, ku gjatë kontrollit Policia gjeti edhe një tjetër armë zjarri kallashnikov, me një krehër me 30 fishekë dhe 355 fishekë të tjerë luftarak.” thuhet në njoftimin e policisë.
52 vjeçari kishte tre muaj që kishte dalë nga burgu, pasi kishte kryer dënimin e dhënë në vitin 2013, për veprat penale “Prodhimi dhe shitja e narkotikëve” dhe “Armëmbajtja pa leje”.
Materialet procedurale do t’i kalojnë Prokurorisë së Rrethit Gjyqësor Kurbin, për veprime të mëtejshme, për veprën penale “Mbajtja pa leje e armëve luftarake dhe e municionit”.
