Pandemia e koronavirusit po ndryshon rregullat e futbollit. Tani FIFA po shqyrton mundësinë për të ndëshkuar çdo lojtar që pështyn në fushë me një karton të verdhë, pasi kjo mund të çojë në përhapjen e virusit.
Zyrtari kryesor mjekësor i FIFA-s, mjeku belg Michel D’Hooghe, ka propozuar këtë ndryshim interesant në rregullat e futbollit për të parandaluar infeksionin e mundshëm koronavirusit gjatë ndeshjeve.
“Nëse pështyma nuk ishte higjienike para pandemisë, është shumë më pak higjienike tani sepse është potencialisht e rrezikshme për shëndetin e të tjerëve. “Ndëshkimi me karton të verdhë nëse një lojtar pështyn në fushë, mendoj se do të jetë efektiv”. -tha D’Hooghe në një deklaratë të botuar nga “The Daily Telegraph”.
