Policia e Shkodrës ka reaguar pas plagosjes me armë që ndodhi në këtë qytet. Policia thotë se ka ndaluar autorin e dyshuar që plagosi Gëzim Bicin. Ende nuk bëhen të ditura motivet e kësaj ngjarje dhe emri i autorit të dyshuar.
Njoftimi i policisë:
Shkodër / Informacion paraprak
Shoqërohet në Polici autori i dyshuar i plagosjes me armë të 50 – vjeçarit.
Më datë 28.04.2020, rreth orës 17:10, në afërsi të Urës së Bunës, në rrethana ende të paqarta, është plagosur me armë zjarri pistoletë shtetasi G. B., rreth 50 vjeç, i cili është transportuar në spital, për ndihmë mjeksore
Në vendngjarje shkuan forca të shumta policie, të cilat rrethuan zonën dhe ngritën pika kontrolli.
Si rezultat i veprimeve të shpejta, është bërë i mundur identifikimi, kapja dhe shoqërimi në ambientet e Policisë, i autorit të dyshuar të plagosjes, por për arsye hetimi, për momentin nuk bëjmë me dije identitetin e tij.
Grupi hetimor nën drejtimin e Prokurorisë po vijon punën për sqarimin e rrethaneve të ngjarjes.
LEXO EDHE:
I shtrirë në tokë/ BoldNews siguron pamjet nga plagosja në Shkodër
