Viktor Haxhia dhe Besmir Haxhia mësohet se janë viktimat e krimit të ndodhur pasditen e sotme në Durrës.
Burime nga policia bëjnë me dije se viktimat janë qëlluar me armë automatike dhe pistoletë, ndërsa ndodheshin në një automjet tip Wolswagen me ngjyrë të zezë, me targa AA 716 DZ.
Policia ka shkuar në vendin e ngjarjes, në zonën e njohur si tregu i makinave në Nish Tulla.
Viktimat janë qëlluar me breshëri dhe ato kanë humbur jetën në vendin e ngjarjes.
Dyshimet e para janë se mbi viktimat është qëlluar nga një automjet tjetër, megjithëse kjo nuk është e konfirmuar zyrtarisht.
