Ministria e Shëndetësisë ka përditësuar të dhënat mbi përhapjen e Covid-19 në vend, ndërsa janë zbuluar 14 raste të reja, nga 264 testime të kryera.
Ministria e Shëndetësisë bëri të ditur se rastet e reja të zbuluara janë në Krujë me 9 pacientë, Tirana me 4 dhe Shkodra me 1 pacient.
Referuar deklaratës zyrtare të Ministrisë së Shëndetësisë, 1 nga rastet e reja në Tiranë është në një prej institucioneve të vuajtjes së dënimit.
Referuar të dhënave zyrtare, në total në Shqipëri janë evidentuar 726 raste me koronavirus, nga 7279 teste që janë kryer në total.
Në 24 orët e fundit janë shëruar 7 pacientë, ndërsa numri total i personave që rezultojnë të shëruar është 410, ndërkohë që rastet aktive mbeten 288.
Nga Covid-19 kanë humbur jetën 28 qytetarë.
