Shumica e italianëve, 64% prej tyre, janë kundër rifillimit të ligave profesionale të futbollit në vend.
2/3 e atyre që kanë votuar kundër rinisjes së kampionateve e kanë arsyetuar qëndrimin e tyre me faktin se zbritja në fushë e futbollistëve nuk do të jetë e sigurt nga pikëpamja sanitare.
Ndërsa 1/3 besojnë se futbolli përfaqëson një sektor si të gjithë të tjerët dhe për këtë arsye futbollistët nuk duhen të jenë të privilegjuar për sa i përket testeve dhe tamponëve.
Ndërkohë 36% të cilët janë pro e rinisjes së kampionateve, e arsyetojnë se futbolli i luajtur duhet të rifillojë pasi mund të ndihmojë vendin në aspektin ekonomik.
Të njëjtin mendim kanë edhe ata që e deklarojnë veten “tifozë” ose “mjaft” tifozë të futbollit, të cilët përfaqësojnë rreth 60% të të intervistuarve. Kështu midis këtyre, më shumë se gjysma (51%) janë kundër rifillimit të kampionateve, edhe pse pas dyerve të mbyllura. Vetëm 1/3 (36%) thanë se ishin në favor të rifillimit të kampionateve.
