Juventus përkujton ish-futbollistin e tyre, Cuadrado e tepron me “shakanë”

Më datë 25-prill të vitit 1995 ka ndërruar jetë ish-futbollisti i Juventusit, Andrea Fortunato. I ndjeri vuante nga leukemia, sëmundje e cila i mori jetën në moshën 24-vjeçare.

Andrea Fortunato luante prej dy vitesh me Juventusin si mbrojtës i majtë, ndërsa një herë të vetme pati mundësinë të veshë edhe fanellën e kombëtares italiane.

Juventusi, ditën e djeshme, në 25-vjetorin e ndarjes nga jeta të ish-lojtarit të tyre, vendosën të përkujtojnë me një postim në llogaritë zyrtare të rrjeteve sociale

LEXO EDHE  Disfata ndaj Laçit rëndon mbi Apoloninë, trajneri jep dorëheqjen

Por mes shumë mesazheve përkujtimore, në postimin e klubit bardhezi pati vend edhe për një “shaka pa kripë” të anësorit kolumbian Juan Cuadrado, që duke u nisur nga ngjashmëritë fizike, ngacmoi francezin Adrien Rabiot duke i thënë nëse ishte fotoja e tij ajo që ishte postuar.

Megjithatë pak më vonë kolumbiani reagoi nëpërmjet një postimi, ku kërkoi ndjesë për komentin e pahijshëm dhe sqaroi se e kishte bërë menjëherë sapo kishte parë foton, pa lexuar çfarë shkruhej.