Më datë 25-prill të vitit 1995 ka ndërruar jetë ish-futbollisti i Juventusit, Andrea Fortunato. I ndjeri vuante nga leukemia, sëmundje e cila i mori jetën në moshën 24-vjeçare.
Andrea Fortunato luante prej dy vitesh me Juventusin si mbrojtës i majtë, ndërsa një herë të vetme pati mundësinë të veshë edhe fanellën e kombëtares italiane.
Juventusi, ditën e djeshme, në 25-vjetorin e ndarjes nga jeta të ish-lojtarit të tyre, vendosën të përkujtojnë me një postim në llogaritë zyrtare të rrjeteve sociale
Por mes shumë mesazheve përkujtimore, në postimin e klubit bardhezi pati vend edhe për një “shaka pa kripë” të anësorit kolumbian Juan Cuadrado, që duke u nisur nga ngjashmëritë fizike, ngacmoi francezin Adrien Rabiot duke i thënë nëse ishte fotoja e tij ajo që ishte postuar.
Megjithatë pak më vonë kolumbiani reagoi nëpërmjet një postimi, ku kërkoi ndjesë për komentin e pahijshëm dhe sqaroi se e kishte bërë menjëherë sapo kishte parë foton, pa lexuar çfarë shkruhej.
