Një shqiptar me banim në Pequannock të New York-ut u ekzekutua nga policia amerikane, pasi nuk iu përgjigj thirrjeve për t´u dorëzuar dhe çarmatosur.
Policia veproi pasi agresori i drejtoi armën efektivëve.
Mediat amerikane shkruajnë se 42-vjeçari Luan Agolli u qëllua disa herë nga policia në kryqëzimin e rrugëve Carroll dhe Harrison pasi i kërkuan në mënyrë të përsëritur që të ulte armën dhe të dorëzohej.
Ngjarja ka patur mjaft dëshmitarë, të cilët kanë komentuar se atij iu dhanë shumë mundësi për t’u dorëzuar, por që i refuzoi.
Një tjetër u shpreh se ai dukej sikur e donte aq shumë vdekjen duke kundërshtuar me armën policinë.
Prokurori i Përgjithshëm i New Jersey, Gurbir S. Grewal deklaroi se janë duke u zhvilluar hetimet lidhur me ngjarjen.
Ai deklaroi se pas hetimeve të para rezultoi se policët kanë shkuar në vendin e ngjarjes pasi morën një telefonatë në 911 ku u lajmëruan për një person të armatosur që lëvizte në kryqëzim.
Në momentin që ai ka refuzuar të dorëzohet për të disatën herë, ai është qëlluar për vdekje nga policia.
