Eksperti në fushën e Shëndetit Publik, Erion Dasho, në një tjetër reagim në rrjetet sociale, ka këshilluar qytetarët, por edhe strukturat qeveritare, që për situatën e krijuar nga koronavirusi, duhet të aplikohet “kujdesi për veten”.
Dasho shkruan se nëpërmjet strategjisë “Kujdesu për veten”, Suedia po kontrollon epideminë pa patur nevojë të marrë masa të tjera.
“Po nëpërmjet strategjisë “Kujdesu për veten” do të fillojnë të relaksohen masat në pothuajse çdo vend Europian, madje edhe në New York e vende të tjera të goditura rëndë.
Sasia e viruseve që arrin tek ju ka rëndësi. Në se mbroheni mirë, shmangni infeksionin. Në se nuk arrini ta shmangni, sa më pak viruse t’ju infektojnë, aq më pak dëm bëjnë në organizëm. Kjo nuk është e provuar ende 100% nga ana shkencore, por unë dhe mjaft kolegë besojmë se është kështu”, shkruan doktori i njohur.
Në vijim ai shprehet se në Kinë aplikohet skema ku qeveria “kujdeset për të gjithë” dhe sapo ajo vuri në izolim 10 milionë banorë të tjerë.
“Mendimi im personal është që kjo është e gabuar dhe kundërproduktive. Nuk ka funksionuar gjatë në asnjë epidemi dhe nuk do të funksionojë as kësaj here.
Fëmijët kanë nevojë t’u thonë “mos pështy”, “laj duart” apo “kujdes kur del në rrugë”. Të rriturit këtë përgjegjësi e marrin vetë. Në rastin e COVID, “fëmijëria” ka kaluar dhe tani mënyra më e mirë për të parandaluar dhe kontrolluar epideminë është të bazohesh tek përgjegjësia individuale e gjithkuj”, shkruan Dasho.
Postimi nga Erion Dasho
KUJDESUNI PËR VETEN!
Nga të gjithë këshillat, në këtë pikë ku ka arritur epdemia COVID, ajo që vlen më shumë është “Kujdesuni për veten!”
Me sa dihet deri tani, sasia e viruseve që arrin tek ju ka rëndësi. Në se mbroheni mirë, shmangni infeksionin. Në se nuk arrini ta shmangni, sa më pak viruse t’ju infektojnë, aq më pak dëm bëjnë në organizëm. Kjo nuk është e provuar ende 100% nga ana shkencore, por unë dhe mjaft kolegë besojmë se është kështu. Një koleg i mirë imi dhe i shumë mjekëve të tjerë, Dr. Renato, flet nga përvoja e vet në Shqipëri, dhe unë i besoj, sepse Renato nuk flet kot.
Nëpërmjet strategjisë “Kujdesu për veten”, Suedia po kontrollon epideminë pa patur nevojë të marrë masa të tjera. Po nëpërmjet strategjisë “Kujdesu për veten” do të fillojnë të relaksohen masat në pothuajse çdo vend Europian, madje edhe në New York e vende të tjera të goditura rëndë.
Ka vende që do të vazhdojnë t’i mëshojnë ndalimeve, kufizimeve, dënimeve, etj. Kina është vendi ku qeveria “kujdeset për të gjithë” dhe sapo vuri në izolim 10 milionë banorë të tjerë. Mendimi im personal është që kjo është e gabuar dhe kundërproduktive. Nuk ka funksionuar gjatë në asnjë epidemi dhe nuk do të funksionojë as kësaj here.
Fëmijët kanë nevojë t’u thonë “mos pështy”, “laj duart” apo “kujdes kur del në rrugë”. Të rriturit këtë përgjegjësi e marrin vetë. Në rastin e COVID, “fëmijëria” ka kaluar dhe tani mënyra më e mirë për të parandaluar dhe kontrolluar epideminë është të bazohesh tek përgjegjësia individuale e gjithkujt.
Ligjet duhet të vlejnë për bizneset, baret, restorantet, fasonët, stadiumet, kinematë, etj. kurse për individët ato që kanë vlerë janë rregullat e sjelljes në familje dhe komunitet. Individët dhe familjet duhen lënë të lirë të jetojnë jetën duke u kujdesur për veten. Çdo përafrim tjetër në këtë stad të epidemisë është i gabuar.
Me kaq po e mbyll edhe unë komunikimin me miqtë rreth COVID këtu në facebook! Uroj që askush të mos preket nga kjo sëmundje dhe ata që preken të mos ta marrin me frikë. Në fund të fundit, është një thjesht një sëmundje infektive të cilën mjekët dhe infermierët tanë të përkushtuar po mësojnë çdo ditë e më tepër se si ta trajtojnë me sukses.
