Për shkak të situatës së pandemisë dhe nevojave emergjente që mund të kenë hasur insitucionet procedurat e prokurimit me negocim pa shpallje paraprake janë bërë të shpesha këto kohë. Mjafton t’i hedhësh një sy buletinit të Agjencisë së Prokurimit Publik për të parë se tek procedurat që mbizotërojnë me negocim pa shpallje paraprake janë ato të dezifektimin e ambienteve të insitucioneve apo blerje të pakos së ndihmës për familjet në nevojë për shkak të situatës. Duke parë këtë situatë APP ka rekomanduar që insitucionet të jenë të kujdesshme dhe të përdorin këto procedura vetëm kur përmbushen kushtet që sanksionon ligji.
“Në kushtet e mbulimit të nevojave emergjente për mallra punë ose shërbime, ardhur nga situata e forcës madhore, autoritetet kontraktore duhet të mbajnë në konsideratë parashikimet e legjislacionit të prokurimit public në fuqi për këto lloj situatash. Konkretisht neni 33 pika 2 gërma c e ligjit përcakton se procedura me negocim pa shpallje paraprake të njoftimit mund të përdoret kur plotësohen njëkohësisht të gjitha kushtet si mëposhtë:
– për arsye të nevojës ekstreme
– të shkaktuar nga ngjarje të paparashikueshme nga autoriteti kontraktor, afati kohor i parashikuar në nenin 43 të ligjit 9643 datë 20.11. 2006 për njoftimin e kontratës për procedurat e hapura të kufizuara ose me negocim me publikim nuk mund të respektohet.
– Rrethanat për të justifikuar nevojën ekstreme nuk duhet të shkaktohen në asnjë rast nga veprimi apo mosveprimi i autoitetit kontraktor” thuhet në shkresën e APP.
Ky institucion ka nënvizuar se autorietet kontraktore pas mbulimit të nevojave emergjente për shkak të COVID-19 duhet të marrin masa për të planifikuar nevojat e reja për aq sa është e mundur dhe këto nevoja mund të lidhen me mallra, shërbime në përbalim të situatës në një periudhë më afatgjatë. Lidhur me këtë APP sjell në vëmendje se marrëveshjet kuadër mund të jenë një alternativë që mund të rezultojë me përdorim më eficent të fondeve publike.
“Për këtë qëllim për të mbuluar me sukses nevojat që mund të ketë në të ardhmen autoritetet kontraktore rekomandohet të përdorin prokurim me marrëveshje kuadër s ii vetmi mekanizëm që i siguron që mund të përmbushin nevojat e tyre në kohën dhe sasinë që do të duan si dhe të shmanget përsa është e mundur përdorimi i procedurës me negocim pa shpallje paraprake të njoftimit” thuhet në rekomandimin e APP./Monitor.al
