Një nga kuriozitetet më të mëdha të publikut mbi aktorët dhe këngëtaret, është gjithmonë rroga e tyre, dhe me të njëjtën pyetje është përballur së fundmi, në emisionin Glamour Zone në rubrikën ‘PYETJE HOT’, aktori i humorit Egi Laknori.
Ester Bylyku: Sa e ke rrogën? (qesh)
Egi Laknori: Këtë nuk ka them dot (qesh). As ne aktorët nuk ia dimë njëri-tjetrit sepse e kemi me ligj.
Ester Bylyku: Një aktor humori në Shqipëri me rrogën që merr, jeton shumë mirë apo disi?
Egi Laknori: Unë mendoj që shifrat janë realtive dhe se si ti e jeton jetën, kjo është ajo që ty të bën ndryshe nga të tjerët. Për shembull, mua më pëlqen ta jetoj jetën shumë thjesht, nuk më pëlqejnë hotelet në plazhe, më pëlqen ruloti. Më pëlqen të shëtis me biçikletë dhe të eci. Më pëlqen të bëhem njësh me natyrën. Po ta menaxhosh mirë lekun dhe kohën, çdo gjë është në parametrat e duhura dhe të bësh një jetë shumë të mirë. Unë bëj një jetë normale dhe jam shumë i lumtur dhe për rrogën që marr dhe për familjen që kam dhe kaq.
