Deklarata e Trump, për të injektuar dezinfektant në trup për të trajtuar koronavirusin, u prit me shumë kritika.
Propozimi i Trump, provokoi mijëra komente, duke bërë që kompanitë e njohura të pastrimit të reagojnë menjëherë.
Një kompani dezinfektantësh ka ngritur alarmin se produktet e saj, në asnjë rrethanë nuk duhet të injektohen. Reckitt Benckiser, i cili zotëron Lysol dhe Dettol, tha se dezinfektuesit janë substanca të rrezikshme, që mund të helmojnë rëndë nëse gëlltiten. Po kështu janë të rrezikshëm për lëkurën, sytë dhe sistemin e frymëmarrjes. Produktet duhet të përdoren sipas udhëzimeve përkatëse vetëm për qëllimet që janë prodhuar. Në të kundërt pasojat mund të jenë shumë të rënda.
