Gjatë natës së kaluar një automjet është përfshirë nga flakët në lagjen “5 Maji” në Elbasan.
Burime bëjnë me dije se automjeti është në pronësi të punonjësit të policise kriminale në Elbasan, Marius Memës.
Mësohet se ai e kishte parkuar makinën para pallatit pas mesnate kur ishte kthyer nga shërbimi dhe pak më vonë i është vënë flaka në pjesen e parme dhe pasme.
Dyshohet të ketë qenë zjarr vënie e qëllimshme.
Grupi hetimor po punon për zbardhjen e shkakut të zjarrit dhe dokumentimin e plotë të ngjarjes.
