Ish-ministri i Shëndetësisë Nard Ndoka në studion e “ABC News” ka folur për situatën e koronavirusit. Vetëizolimin Ndoka e ka cilësusr si një “burg shtëpie” me urdhër të kryeministrit. Sipas Ndokës nuk për menaxhimin e pandemisë nuk ka pasur transparencë nga qeveria.
Ai u shpreh se në spitalet tona ka pasur shumë humbje jetë edhe gjatë muajve dhjetor apo janar, ndërsa shtoi se koronavirusi ka qenë prezent në Shqipëri shumë më herët. Ndoka vuri në dukje se statistikat asnjëherë nuk janë bërë transparente.
“Virusi ishte shumë i rrezikshëm për moshat e treta, por fare pak i rrezikshëm për pjesën tjetër. Kryeminsitri jonë ka krijuar një panik, duke folur për një numër prej 18 mijë personash që humbin jetën, duke frikësuar edhe qytetarët e tij. Ai ishte në panik për veten e tij. Kam përshtypjen që ka kënaqësi në izolim, duke blerë edhe dron për parë situatën, ai po tallej në njëfarë mënyre me qytetarët. Asnjëherë nuk promovoi personalitete të shëndetësisë që të flisnin me transparencë për të informuar qytetarët”, tha Ndoka.
Ndër të tjera Ndoka theksoi se mungesa e transparencës ishte e dukshme, ndërsa shtoi se ishte i vetmi kryeministër i cili fliste për luftë: “por se me çfarë luftoi ky kryeministër, nuk e pamë”, u shpreh ai.
Hapi i parë që ju do të ndërmerrnit nëse do të ishte Ministër Shëndetësie?
Ndoka: Kam pasur këshilltarët më të mirë, sot këto i kanë penalizuar. Kryeminsitri nxjerr disa personazhe politike. Sistemi shëndetësor ka potenciale, duhet të mbështeteshim tek këto. Ajka e sistemit nuk janë këto që promovon kryeministri.
Do ta izolonit Shqipërinë?
Ndoka: Duke u mbështetur në një realitet, gjykoj që izolimi i Shqipërisë ishte kot. Duhet të izolonim vatrat pa i penalizuar të gjithë. Duhet të ishte transparente numri i të prekurve.
Gjatë bisedës në studio ish-ministri i Shëndetësisë tha se sipas një informacioni të tij QSUT nëpërmjet tre fazave të ishte një qendër spitalore me lidhje mes tyre duke përfshirë edhe infektivin. Por, projekti dhe mënyra e financimit nuk u bënë efektiv nga “Rilindja” këto shtatë vite./abcnews.al
