Lëvizja Vetëvendosje ka paralajmëruar mbajtjen e një manifestimi në sheshin Skënderbe në Prishtinë më 4 maj.
Simpatizantë të Vetëvendosjes kanë thirrur protestën përmes rrjetit social, duke i kërkuar qytetarëve të mblidhen në ora 14:00, të datës 4 maj.
“Pas përfundimit të ligjit për kufizimin e lëvizjes (për parandalimin e COVID-19) të hënën 4 maj 2020, të dalim të gjithë në manifestim për mbrojtjen e Republikës së Kosovës”, thuhet në njoftimin e tyre.
Zgjedhje të reja dhe qeveri legjitime, janë kërkesat e mbështetësve të VV.
“Duam zgjedhje dhe nuk lejojmë vjedhjen e pushtetit. Duam një qeveri legjitime dhe të zgjedhur nga votat e popullit të Kosovës. Mos shpërfillni vullnetin e popullit. U bo boll! Jemi lodhë!”, thuhet në thirrjen drejtuar qytetarëve.
