Nënkryetari i LSI, Petrit Vasili, tha sot se pandemia po administrohet spontanisht nga Qeveria, dhe ndërhyrjet e saj janë të improvizuara, të fragmentuara që ecin me logjikën e ditës dhe me asnjë perspektivë afatgjatë dhe të përballimit serioz të pandemisë.
“Pandemia kërkon në radhë të parë të kontrollohet dhe në radhë të dytë kërkon çdo mjet dhe çdo mundësi kufizimi për evitimin e përhapjes së saj.
Shifrat e ditës së sotme pas shumë javësh kufizimesh drastike, kemi të njëjtat shifra siç kemi pasur ditën e 2 të pandemisë.
Është e qartë që Shqipëria po tregon për shkak të mungesës së testimeve, që nuk bëhen për të fshehur të vërtetën e pandemisë, një e vërtetë që u takon ta dinë qytetarët në mënyrë që të kenë mundësi të mbrohen, të njohin shkallën e problemit.
Shqipëria ka shpikur në vend të kurbës që tashmë e ka çdo vend i botës me ngjitje dhe zbritje, ka këtë kurbë sharrë, e cila nuk ka fare të bëjë me mënyrën se si pandemitë duhet të ndiqen”, tha ai.
Vasili i ka drejtuar një thirrje mjekëve që të mos shkelin profesionin, për shkak të urdhërave politikë të Kryeministrit Edi Rama.
“Gjetja e vatrave të reja, vazhdimisht të reja pra në mënyrë krejtësisht spontane dhe të pakontrolluar nuk është shenjë e kontrolli të pandemisë por është e kundërta dhe sërisht u bëj një thirrje profesionale të gjithë profesionistëve të cilët janë në trysninë e qeverisë së paku heshtje dhe mos ndyni profesionin tuaj me deklarata boshe të cilat janë në dëm të shëndetit të njerëzve.
Nuk mund të shkelet profesioni për shkak të urdhërit politik apo hallit politik të Edi Ramës.
Përsa i përket vendimeve të marra ju e dini dhe e keni dëgjuar propozimin për shtyrjen e gjendjes së fatkeqësisë natyrore edhe të shpallja e gjendjes së fatkeqësisë natyrore të nderuar qytetarë ka qenë një masë shumë e vonuar.
Sipas qeverisë rasti i parë ka qenë me 8 Mars paçka se rastet e para kanë qenë më përpara se kaq por të qëndrojmë te data 8 Mars qeveria po vet e ka shpallur gjendjen e jashtëzakonshme vetëm me 24 Mars pra më shumë se 2 javë më pas pra 2 javë e gjysëm drejtoi këtë situatë në vend pa ligje pa kushtetutë, i shkeli ato dhe pas 2 javësh shpalli gjendjen e fatkeqësisë natyrore”, tha Vasili.
Ai paralajmëroi se Qeveria mund të dojë të shtyj orë sa të dojë, por do të përgjigjet një më një për këtë menaxhim të papërgjegjshëm të pandemisë në të gjitha kuptimet e veta, me të gjitha mungesat e jashtëzakonshme që e shoqëruan, me mungesën totale të përgatitjes për mjekët.
