Dy raste të reja me Covid-19 janë zbuluar sot në Elbasan, duke e çuar në 18 numrin e personave të prekur në këtë qytet.
Mësohet se pacientët e rinj janë burrë e grua, të dy 62-vjeçarë, që nuk dihen ende se si janë infektuar.
Ato janë banorë të lagjes 5 maji, ndërsa mësohet se 62-vjeçari është shofer autobusi.
Prej disa ditësh nga Elbasani nuk raportoheshin raste të reja me Covid-19, megjithëse ishte një nga qytetet ku nuk janë respektuar masat e vendosura nga Qeveria, dhe shumë lokale kanë funksionuar edhe pas mbylljes së tyre me Akt Normativ.
Duke përfshirë rastet e zbuluara po sot në Kurbin dhe Krujë, bashkë me Elbasanin, rastet e reja në këto 3 qytete arrijnë në 21 persona, që pritet të konfirmohen zyrtarisht rreth mesditës nga Ministria e Shëndetësisë.
