Sot Komisioni i Ligjeve miratoi vendimin e këshillit të Ministrave për shtyrjen deri në 23 qershor të Gjendejes së Fatkeqësisë Natyrore.
Por ky vendimim i qeverisë ka hasur në kundërshti të forta nga politikanët por dhe nga juristët të cilët e cilësojnë antikushteties.
Ish-ministri i Drejtsëisë, Ylli Manjani ka sqaruar ligjërisht se afati i shtyrjes së vendosur nga qeveria nuk qendron,
Sipas Manjanit Gjendja e Fatkeqësisë natyrore është vetëm 30 ditë, por mund të shtyhet edhe për 30 ditë të tjera vetëm nga paralmenti, por jo 60 ditë.
Ja postimi i Manjanit:
Një sqarim ligjor për cilindo të interesuar.
===============
Gjendja e fatkeqësisë natyrore nuk mund të vendoset e as të zgjatet sipas qejfit, por sipas rregullave.
Këtu kam bashkëlidhur dy nene. Njëri me numër 174 që i përket Kushtetutës së Republikës dhe tjetri me numër 18 që i përket ligji 45/2019 “për Mbrojtjen Civile”.
Të dyja këto nene kanë në përmbajtjen e saj një sentencë ndaluese. Të dyja saktësojnë se ” Këshilli i Ministrave NUK MUND të vendosë gjendjen e fatkeqsisë natyrore për më shumë se 30 DITË..”
Pra edhe njëherë: 30 DITË!!!
Nëse situata e imponon që duhet një zgjatje të këtij afati, të dyja këto nene sqarojnë se “….mund të zgjatet por vetëm me pëlqim të Kuvendit”.
Pra mund të zgjatet, por zgjatja nuk mund të jetë më shumë se afati prej 30 ditësh. Lexojini prap nenet
” Jo më shumë se 30 ditë”. Zakonisht është më pak, ose aspak, por jo më shumë.
Pra zgjatja smund të jetë më e madhe se afati i parë. Nëse prap do ketë nevojë për shtyrje, pra edhe pas shtyrjes së parë,mund të kërkohet një tjetër.
Por jo të vendoset sa të ketë qejf qeveria.
Këto dy nene janë baza e këtij arsyetimi. Kush do të arsyetojë në bazë të llogjikës së ligjeve, kuptohet.
Çdo gjë tjetër është abuzim.
Qeveria është ende në kohë ta konsiderojë propozimin e saj pas ti ketë lexuar këto nene.
Kuvendi e ka detyrë të mos lejojë shkeljen e tyre.
Presidenti ka radhën të tregojë se është vërtetë me popullin(siç i tha Ai) dhe me Kushtetutën(siç ka thënë vetë).
Opozita e ka detyrë demokratike të mos pranojë një standart antikushtetues.
Si të duan! Por këto janë ligjet e shtetit!
Jemi pa Gjykatë Kushtetuese,ndaj kërkojmë arsye dreqi e mori!
