Aktori i mirënjohur i kinematografisë shqiptare, Rikard Ljarja, është përcjellë ditën e sotme për në banesën e fundit.
Familjarët kanë çuar në vend amanetin e tij për t’u varrosur në vendlindje, Shkodër.
Ljarja u përcoll me duartrokitje,ndërsa në funeral kanë qenë të pranishëm shumë pak persona për shkak të emergjencës Covid-19.
Aktori u nda nga jeta mbrëmjen e kaluar, pas një beteje të gjatë prej vitesh me një sëmundje të rëndë.
Kujtojmë që Rikard Ljarja u bë tepër i njohur për publikun shqiptar me rolin e “Dedës” në filmin “Rrugë të bardha”. Ai punoi si aktor i teatrit në Teatrin “Migjeni” në Shkodër.
Që prej vitit 1973 deri në vitin 1996 ai ishte aktor, skenarist dhe regjisor i filmave të kinostudios. Nga viti 1996 deri në vitin 2002, ishte drejtor artistik në televizionin publik shqiptar, kur doli edhe në pension.
Ndër filmat e tij të famshëm përmendim “Fletë të bardha”, “Pesha e kohës”, “Rrugë të bardha” etj. Gjatë viteve të fundut, Rikard Ljarja kishte botuar edhe disa libra.
