Ministria e Shëndetësisë ka publikuar sot përditësimin e situatës nga CoVid-19, ndërsa në 24 orët e fundit janë zbuluar 25 raste të reja, nga të cilat 17 janë në Krujë.
Por ajo që bie në sy dhe mund të cilësohet si një lajm i mirë, është fakti se pas 6 javësh karantinë, Tirana nuk regjistron asnjë rast të ri me Covid-19.
Sipas të dhënave nga Ministria e Shëndetësisë, në Tiranë numërohen 252 raste, që nga data 8 mars kur u zbulua pacientii parë me koronavirus.
Ndërkohë që numri total i të prekurve ka arritur në 609, numri i të shëruarve është 345.
Nuk dihet se sa pacientë aktivë me Covid-19 janë në Tiranë, pasi zyrtarisht Ministria e Shëndetësisë, nuk raporton rastet aktive në bazë bashkie apo qarku, por në total numri i pacientëve që konsiderohen aktivë me Covid-19 është 238 persona.
