Tirana sot nuk ka regjistruar asnjë rast me koronavirus, dita e parë që prej 8 marsit kur u zbulua ai që konsiderohet si pacienti zero. Por në 6 javë në Tiranë janë evidentuar 253 raste me koronavirus, nga 609 raste që janë evidentuar në total, sipas të dhënave zyrtare të Ministrisë së Shëndetësisë.
E ndërsa nuk dihet se sa persona vijojnë të jenë aktivë me Covid-19 në Tiranë, pasi Ministria e Shëndetësisë nuk publikon shifrat sipas bashkive, mësohet se 4 janë zonat më të prekura në kryeqytet në javët e fundit.
Sipas mjekëve, rastet më të shumta janë evidentuar në zonën e Prezës, Petrelës, Astirit dhe Freskut.
Mjekët e shpjegojnë këtë me faktin se në këto zona nuk janë resoktuar siç duhet masat e vendosura të karantinimit.
Por raportohet se të gjitha rastet e evidentuara në këto zona janë kontakte të personave që më parë kanë qenë të infektuar me Covid-19.
