Ivan Rakitiç beson se Barcelona do të shpallet e kampione e La Ligës, nëse sezoni nuk mund të përfundojë për shkak të Covid-19.
Duke folur për “Moviestar+”, gjithsesi kroati, shpreson që sezoni do të rifillojë dhe kampionatin ta fitojnë në fushë, por nëse ky skenar nuk do të realizohej, atëherë Barcelona nuk do ta refuzonte titullin.
“Të gjithë në skuadër duam të luajmë përsëri dhe ta fitojmë kampionatin duke luajtur. Por gjithashtu kuptoj se nëse nuk mund të luajmë atëherë sezoni duhet të përfundojë dhe meqenëse jemi në krye të kampionatit, ne duhet të jemi kampionët”.
Barcelona kryeson tabelën e renditjes me 2 pikë avantazh ndaj Realit të Madridit ndërsa mbeten edhe 11 ndeshje deri në përfundim të kampionatit.
