Frank de Boer do të jetë trajneri i ri i Holandës pas largimit të Ronald Koeman drejt Barcelonës.
Sipas “Telegraaf”, në fakt, De Boer do të emërohet zyrtarisht trajneri i ri i portokallinjve javën e ardhshme. Marrëveshja është arritur, flitet për një kontratë deri në mes të vitit 2022, para Botërorit të Katarit.
Qëllimi është “Euro 2021” dhe më pas do të bëhen vlerësime të trajnerit në fjalë përpara Kupës së Botës së Katarit, e cila do të luhet vjeshtën e vitit 2022. Nëse të dyja palët bien dakord, ai do të vazhdojë ta drejtojë Hollandën edhe në finalet e Kupës së Botës.
Kujtojmë që 50 vjeçari mori drejtimin e Interit në verën e vitit 2016, por aventura e tij në Milano rezultoi një dështim i vërtetë dhe në nëntor të po atij viti ai u shkarkua nga detyra.
