Për shkak të pandemisë së coronavirusit, bota e futbollit është përballë paqartësive të mëdha. Pavarësisht dëshirës së drejtuesve më të lartë të qeverive të futbollit për rinisjen e aktiviteteve sportive, situata e pandemisë vijon të jetë kritike duke mos garantuar asgjë.
Në lidhjem e këtë situatë, presidenti i Federatës Gjermane të Futbollit (DBF), Fritz Keller, ka një paralajmërim. 63 vjeçari ka folur për “Kicker” rreth pasojave ekstreme që mund të ketë pezullimi përfundimtar i këtij sezoni. Kosto ekonomike do të ishte e madhe dhe shumë klube gjermane nuk do e përballonin dot faturën.
“Duhet të kthehemi me çdo kusht në fushë për të shpëtuar sistemin, edhe me koston e zhvillimit të ndeshjeve pa tifozë. Përndryshe, disa tifozë nuk do të jenë në gjendje për të shkuar e parë një ndeshje të skuadrës së zemrës, sepse skuadra nuk mund të ekzistojë më”, komenton Keller.
