Mbi 2 mijë izraelitë demonstruan në Tel Aviv, duke denoncuar rrezikun që po i kanoset demokracisë së vendit nga negociatat midis Kryeministrit Banjamin Netanyahu dhe ish-kundërshtarit të tij politik Benny Gantz për formimin e koalicioni qeverisës.
Protesta u thirr përmes një apeli në rrjetet sociale nga lëvizja e “flamujve të zi”, i cili i ftoi ata të nxitojnë në sheshin kushtuar Yitzhak Rabin për të “shpëtuar demokracinë”.
Protestuesit mbanin maska mbrojtëse dhe ishin veshur me të zeza. Ata u mbajtën në një distancë prej dy metrash nga njëri-tjetri, duke respektuar rregullat anti-koronavirus.
Në Izrael, ka 13 mijë të infektuar dhe 172 viktima. Protestuesit mbanin në duar pankarta me mbishkrime si “lëreni demokracinë të fitojë” apo “ministri i krimit”.
Sipas organizatorëve, “flamujt e zi” paraqesin kërcënimet për demokracinë izraelite.
Më 2 mars, izraelitët u kthyen në votime për herë të tretë në më pak se një vit, për të përcaktuar se kush kishte shumicën midis Netanyahu dhe Gantz, një ish-shefi i shtabit të ushtrisë.
Pas një rezultati të paqartë përsëri, Presidenti Reuven Rivlin urdhëroi Gantz të formojë një qeveri të re.
Në mes të një pandemie, i emëruari i befasoi të gjithë duke i hapur rrugën një qeverie “bashkimi dhe emergjence” me kryeministrin në largim, duke siguruar që ai megjithatë nuk do të ndante pushtetin derisa të zgjidhte problemet e tij me drejtësinë.
Pasi skadoi mandati i Gantz të hënën, Presidenti Rivlin udhëzoi Parlamentin që të propozojë brenda më pak se tre javësh, një deputet i cili mund të përpiqej të formonte një qeveri dhe t’i jepte fund krizës politike një vjeçare.
Por ndërkohë, mbështetësit e Gantz dhe Netanyahu vazhdojnë dialogun për një marrëveshje të mundshme.
