Emergjenca koronavirus ka gjunjëzuar botën dhe si pasojë edhe kampionatet e futbollit. Disa ende nuk kanë caktuar datën e rinisjes, të tjera kanë bërë planin dhe axhendën, por ka edhe si Izraeli që mund të mbyllet futbolli për gjashtë muaj.
E ka thënë zëvendës drejtori i përgjithshëm i Ministrisë së Shëndetësisë, Itamar Grotto: “Do të jetë më mirë të mos i besojmë zhvillimeve domethënëse të situatës sanitare. Maksimumi mund të heqim kufizime për aktivitete fizike private”.
“Jam pro sportit dhe sigurisht aktiviteteve, por duhet parë shëndeti në rradhë të parë”. Një deklaratë e fortë kjo që mund të ndikojë dhe në të ardhmen e dy lojtarëve shqiptar, si Jahmir Hyka dhe Sabien Lilaj (luajnë me Sektzia Ness Ziona), që të kthehen në vendlindje apo të vazhdojnë eksperiencën diku tjetër.
