Në 24 orët e fundit janë zbuluar 14 raste pozitive me koronavirus, një prej të cilëve është personel mjekësor në Shkodër.
Sipas Ministrisë së Shëndetësisë, në 24 orët e fundit janë kryer 231 teste, nga të cilat 35 për personelin mjekësor.
Gjithashtu në 24 orët e fundit janë shëruar 12 pacientë.
Rastet e reja të zbuluara janë 5 në Tiranë, 7 në Krujë dhe 2 në Shkodër.
Në total numri i të infektuarve me Covid-19 në Shqipëri është 562 raste, ndërkohë që numri i të shëruarve është 314.
