Në portalin francez Courier des Balkans një ditë më parë kishte një shkrim kujtesë të një gripi të tmerrshëm që ka shkaktuar shumë të vdekur mbi 50 vjet më parë, në 1968, të quajtur ‘gripi i Hong Kongut’.
Në shkrimin që i kushtohet Shqipërisë bëhet fjalë se ky grip ishte sjellë në Shqipëri nga ‘specialistët kinezë’ të dërguar në Shqipëri nga drejtuesi Mao.
Kujtohet se virusi që u përhap edhe në Shqipëri, pikërisht në momentin e ‘pikut’ të revolucionit kulturor, kishte shkaktuar, sipas shifrave zyrtare, 300 të vdekur në Shqipërinë e ‘izoluar’ nga diktatori Enver Hoxha.
Sipas të dhënave zyrtare të asaj kohë, gripi i Hong Kongut, i shkaktuar nga virusi H3N2, është përhapur në Shqipëri në dhjetor të vitit 1968.
Në Shqipëri ka shumë pak vetë që mbajnë mënd ‘gripin e Hong Kongut’, përveç mjekëve e infermierëve që kujtohen për shërbimet e kryera gjatë asaj periudhe.
Ndërkohë që përmes shkrimeve sillen disa kujtime të ‘tmerrshme’. Njerëzit vdisnin nga ‘hemorragjitë në mushkëri’, me buzët të ‘nxira’ apo të ‘mbytur’ nga pamundësia për të marrë frymë…
Pandemia ndodhi aq shpejt saqë nuk kanë kohë as të kryejnë funeralet e viktimave që mbushin sallat e reanimacioneve.
Gripi i Hong Kongut, njëlloj si koronavirus aktualisht, kishte nisur efektet në Kinë duke shkaktuar rreth 1 milion viktima në të gjithë botën, nga të cilët 50 mijë në SHBA dhe 30 mijë në Francë. Ky virus kishte infektuar edhe Vili Brandt, ish-kancelar i Gjermanisë.
Në atë kohë kanë folur për këtë epidemi për gjatë 18 muajve, por në asnjë rast nuk ka pasur as masa drastike, as izolim, as ndalim të veprimtarisë prodhuese e të jetës ekonomike, as mbyllje të kufijve dhe as deklarime për luftë kundër një armiku të padukshëm, siç ndodh aktualisht, që konsiderohen nga ata që e kanë jetuar atë periudhë më shumë ekzagjerime të medias.
Madje gripi i Hong Konkut rezulton se kishte shkaktuar pothuajse 100 herë më shumë viktima se COVID, por shumë më pak se ‘gripi kinez I 1957-1958’ prej të cilit kishin vdekur rreth 100 milion të vdekur në të gjithë botën..
