Ish-kampioni i tenisit bën deklaratën shokuese: Koronavirusi nuk është asgjë, po kërkojnë të na kontrollojnë me çip

Ka njerëz të cilët mendojnë se pandemia e koronavirusit është një përpjekje e liderëve “në hije” të botës për të kontrolluar njerëzimin.

Njëjtë mendon edhe ish-numri një i tenisit, rusi Marat San.

Legjenda ruse e tenisit ka thënë se kjo është një përpjekje e planifikuar për të mbajtur nën vëzhgim popullsinë.

“Janë bërë të gjitha gati për t’u vendosur mikroçip njerëzve. Në 2015, Bill Gates ka deklaruar se do të kishte një pandemi. Nuk besoj se ai është fallxhor. E dinin dhe të gjithë po përgatiteshin. Në forumin ekonomik botëror në Davos, janë bërë simulime para se virusi të përhapej në botë”, ka deklaruar San.

LEXO EDHE  Koronavirusi/ Ja kush janë qytetet me numrin më të lartë të të infektuarve në Shqipëri

Duket si teori konspiracioni, por Marat San e ka shumë seriozisht me deklaratën e tij.

“Njerëzit po futen në panik dhe u besojnë asaj që shikojnë në televizor. Do të vaksinohen me mikroçip. Ka njerëz më të fuqishëm se liderët politikë. Quajini si të doni, por janë qeveri në hije e botës që ne as nuk na e merr mendja se ekzistojnë,”-tregon ish-tenisti.