Biologu Ethem Ruka, ish-ministër dhe ish-deputet i PS-së, shpreh shqetësimin se virusi COVID-19 është ende aktiv në Shqipëri.
Ai e argumenton këtë me fakte, ndërsa apelon që të kishte kujdes në mënyrë që situata mos të dalë nga kontrolli.
“Sot përqindja e te shëruarve arriti ne 56%, ose 1 % me shume se ditën e djeshme, ndërsa numri i te sëmurëve (pacientet aktiv) u ul në 39 % ose 1% me pak se ditën e djeshme.
Përmirësim i ngadaltë dhe rritje e numrit të infektimeve në raport me ditën e djeshme. Oshilacionet e infektimeve në 10 ditët e fundit janë mjaft të dukshme.
Virusi, për fat të keq është ende aktiv”, shkruan Ruka.
Reagimet e bilogout erdhën pasi Ministria e Shëndetësisë përditësoi rastet me Covid-19, ndërsa tha se janë zbuluar 14 pacientë të rinj dhe 12 janë shëruar. Në total numri i të prekurve me Covid 19 në Shqipëri është 562 raste, ndërsa i të shëruarve ka shkuar në 314. Si pasojë e Covid 19, referuar shifrave zyrtare kanë humbur jetën 26 persona.
