Një prej objektivave të Barcelonës në merkaton e verës është Lautaro Martinez, por pavarësisht interesimit të madh, blaugranat nuk kanë mjaftueshëm para për të paguar klauzolën prej 111 milionë eurosh të largimit të bomberit argjentinas nga zikaltërit.
Për të bërë të mundur këtë transferim do të kërkojnë të përfshinë në marrëveshje edhe disa lojtarë të tjerë që mund përshkojnë rrugën e kundërt. Emri më i nxehtë që pëlqehet edhe nga drejtuesit e Interit është ai i mesfushorit brazilian Arthur, i cili pasi ka dëgjuar për interesimin që ka Interi për të u ka mbyllur menjëherë dyert zikaltërve duke deklaruar: “ E pëlqej Interin por nuk kam mbaruar punë te Barcelona. E shoh veten këtu për shumë vite”.
Arthur Melo është pjesë e Barcelonës që nga vera e vitit 2018 kur u transferua për 31 milionë euro nga Gremio.
