“Greqia nuk është më delja e zezë e Evropës; ajo ka treguar disiplinë dhe vendosmëri në trajtimin e koronavirusit,” tha në një intervistë të publikuar të shtunën Kryeministri Qiriakos Micotaqis.
Ai tha se është i sigurt që vendimi i tij për të imponuar kufizime qysh herët ishte i drejtë, pavarësisht ndikimit në ekonominë e vendit, i cili vetëm dy vjet më parë doli nga masat shtrënguese që shoqëruan paketat ndërkombëtare të shpëtimit.
Kryeministri Micotaqis i tha gazetës Kathimerini se pret që plagët financiare të Greqisë të shërohen në vitin 2021.
