Policia greke ka gjobitur 12 punëtorë shqiptarë që po ktheheshin në vendin e tyre, pasi kishin punuar në ishullin Mikonos.
Mediat greke njoftojnë se shqiptarët kishin thyer rregullat e ndalim qarkullimit të vendosura për shkak të pandemisë së koronavirusit. Shqiptarët kishin udhëtuar fillimisht për në Igumenicë dhe më pas do kalonin në territorin shqiptar
Të 12 shqiptarët u gjobitën me nga 300 euro në Stacionin Qendror të Autobusëve të Athinës, KTEL Kifissos, siç treguan dhe pamjet e publikuara.
Policia greke (ELAS) njoftoi se i gjobiti në stacion, në kontekstin e masave që janë marrë për të kufizuar udhëtimet e panevojshme për shkak të pandemisë së koronavirusit.
Të gjithë udhëtonin pa lejen e nevojshme për të shkuar në Igumenicë dhe prej andej për Shqipëri. Ata vetë pretenduan në Polici se ishin punëtorë në Mikonos dhe se donin të ktheheshin në Shqipëri, ku jetonin.
