Ka shkuar në dhjetë numri i viktima nga koronavirusi Covid-19 në Kosovë. Viktima e fundit është një 73 vjeçare e cila ka humbur jetën sot në Klinikën Infektive.
Lajmi u konfirmua nga autoritetet vendase të shëndetësisë, ku njoftuan se pacientja M.B., e lindur më 1947, nga komuna e Pejës, ka vdekur sot. Ajo ishte duke u trajtuar në Klinikën Infektive nga 25 marsi.
Pacientja ka pasur edhe sëmundje shoqëruese.
Deri tani numri i të infektuarve nga ky virus në Kosovë është 423 e të shëruar 71.
