Neymar do të rikthehet së shpejti te skuadra e Barcelonës. I këtij mendimi është ish-zv.presidenti i Barcelonës Emili Rousaud, që konsiderohet një nga kundërshtarët më të fortë të presidentit aktual të “blaugranave”, Bartomeu.
Në një intervistë për “ESPN Deportes”, Rousaud gjithashtu ka deklaruar se Messi do të rinovojë kontratën me Barcelonën.
“Mendoj se është e mundur që Neymar të kthehet te Barça gjatë verës. Nuk më duket aspak e pamundur”, madje është e kundërta i shoh të Messin dhe Neymar-in së bashku.
“Nga ana tjetër mendoj se Messi dhe Barcelona do të arrijnë një marrëveshje për rinovimin. Për të arritur një marrëveshje, të dyja palët duhet të bëjnë një lloj lëshimi. Personalisht, do të befasohesha nëse kjo histori e bukur nuk do të vazhdonte më gjatë.”
Rousaud u largua së fundmi nga Barça në mënyrë të diskutueshme. Disa ditë më parë Rosusaud akuzoi presidentin Bartomeu për korrupsion ndërsa klubi është përgjigjur se ai duhet të mbrojë akuzat në gjykatë.
