Kreu i Partisë Demokratike, Lulzim Basha në lidhje Live me gazetarët u shpreh se niveli i testimeve për Covid-19 është shumë i ulët krahasuar me vendet e tjera. Ai theksoi se procesi i gjurmimit të rasteve të infeksionit duhet të jetë në vëmëndje nga qeveria.
“Pushteti vendor dhe institucionet e shëndetit publik duhet të bëjnë të mundur gjurmimin e zinxhirit të kontakteve të infeksionit”. Kreu i PD përsëriti thirrjen për masa speciale mbrojtëse për stafin mjekësor.
Më tej, lidri demokrat tha se problem më i madh është sigurimi i nivelit të jetësës së shumë njerëzve.
“Harta e të infektuarve është zgjeruar. Kjo sjell domosdoshmëri për rritjen e numrit të testimeve dhe ndryshimin e strategjisë së qeverisë.
Duhet nisur me testimet e stafit mjekësor dhe të atyre që janë në vijë e parë të punës. Testimi na jep shifrat e sakta dhe përmasat e infeksionit real në Shqipëri. Mungon testimi për stafin mjekësor dhe të forcave të rendit. Duhet rritur urgjentisht numri i testimeve.
Nëse nuk zhvillojmë testime nuk do dalim dot nga kjo situatë. Nuk mund të dalim nga kjo situatë pa një plan dhe plani bazohet në rritjen e numrit të testimeve.
Dua të ritheksoj se shumë qytetarë janë në pamundësi ekonomike dhe po humbin vendet e punës. Qeveria nuk po vepron mjaftueshëm dhe shpesh po lë shije se po sulmon njerëzit”-tha Basha.
