Edhe pse jemi në një situatë të jashtëzakonshme, për shkak të koronavirusit, sërish grabitjet e vjedhjet nuk ndalen.
Përpara 3 ditësh në kryeqytet ka ndodhur një grabitje e pazakontë, teksa në një biznes janë marrë lëkurë tapicerie, raporton BW.
Për grabitjen akuzohen shtetasit Ajet Sela, Arjan Murati dhe Vehbi Shahu. Dy të parët kanë pranuar fajin, ndërsa Shahu ka deklaruar se nuk është fajtor.
Pronari i kompanisë ku u krye vjedhja ka denoncuar ngjarjen në polici, duke thënë se i janë grabitur 5 mijë euro. Më pas, policia ka arritur të sekuestrojë pasurinë e vjedhur.
Gjykata do të japë sot masat e sigurisë për tre të dyshuarit, ndërsa nëse për ta jepet “arrest me burg”, atëherë ata duhet të qëndrojnë në një vend të vecantë në paraburgim, të vetë-karantinohen, për shkak të Covid-19.
