Verën e kaluar, Paulo Dybala ishte pranë lamtumirës së tij nga Juventusi. Sot argjentinasi është ndoshta prioriteti kryesor i bardhezinjve.
Falë paraqitjeve të tij fantastike në fushën e lojës ai fitoi mundësinë për të nënshkruar një kontratë të re, e cila pritet ta bëjë atë një nga flamujt bardhezi.
Siç është raportuar nga “Tuttosport”, ka ardhur koha për ta rishikuar atë kontratë, e cila u zgjat për herë të fundit tri vite më parë. Urgjenca e “Coronavirus” ka detyruar shtyrjen e takimit midis klubit dhe përfaqësuesve të tij.
Dybala nuk ka vendosur kushte, por pret të konfirmojë pagën prej 7 milionë euro neto në sezon, atë aktualen, me mundësinë e rritjes së gjatë sezoneve të ardhshme, në varësi të situatës, shoqëruar nga një seri bonusesh, që mund ta bënin potencialisht edhe më të pasur.
Për Dybalan ishin të interesuar dy skuadrat angleze, Man.United dhe Tottenham. Por argjentinasi vendosi të luftojë për vendin e tij te Juventusi diçka që e ka arritur.
