Zv-presidenti i FIFA-s, Victor Montagliani, në një deklaratë të fundit, ka theksuar se vëmendja është plotësisht te kampionatet, ndërsa ndeshjet e kombëtareve mund të shtyhen deri në vitin 2021.
Për shkak të masave shtrënguese që e bëjnë të pamundur edhe udhëtimin nga shteti në shtet, pjesa më e madhe e turneve nuk mund të zhvillohet brenda këtij viti.
Më herët, FIFA, anuloi aktivitetet e muajit mars dhe qershor të skuadrave kombëtare. Ndërkohë, sipas Montagliani mund të anulohen edhe sfidat në axhendë për muajt shtator, tetor dhe nëntor.
“Mendoj se kampionatet kombëtarë kanë përparësi në këtë moment. Pastaj, kur të jemi gati për të luajtur, kam shumë dyshime se këtë do ta bëjmë me dyer të hapura”, ka thënë një nga zëvendëspresidentët e qeverisë botërore të futbollit.
