Ish-ministri i Drejtësisë Ylli Manjani ka reaguar në lidhje me deklaratën e kryeministri Edi Rama, i cili tha se të pasurit të shesin jahtet dhe të paguajnë punëtorët për shkak të vështirësisë që po hasin nga pandemia COVID-19.
Sipas tij, kjo deklaratë nuk justifikohet pasi nuk del hesapi, të shesësh pasuri të hash bukë pa punuar.
manjani i drejtohet Ramës se me këtë logjikë, të shesë kryeministri shtëpinë për të paguar punonjësit e shtetit
Postimi i plotë:
“Të pasurit të shesin jahtet e të paguajnë puntorët”- njofton Kryeplaku i Surrelit.
Po mirë, ja i shitën dhe jahtet dhe e paguan papunsinë edhe këtë muaj, po pastaj?!
Me cilën llogjikë justifikohet kjo deklaratë?!
Më llogjikën ekonomike?!
Po nuk del hesapi, të shesësh pasuri të hash bukë pa punuar.
Me llogjikën populiste?!
Po mirë, të shesë shtëpinë e vet Ai e të paguajë rrogat e punojnëve të shtetit. Kaq llogjikë besoj e ka që të kuptojë se aty përfundon kjo lloj ideje.
Me teorinë e Marksit?!
As leshin e mjekrës se kanë njësoj, jo më fjalët që emetojnë.
Me urrejtjen ndaj pasurisë?!
Po pse jo ndaj pasurisë së vet?!
Nuk gjej llogjikë me thënë të drejtën të justifikojë atë deklarim, përveç nevojës që ka për të dëgjuar vetëm zërin e vet.
