Ish-lojtari i Man.United, Marouane Fellaini, është shëruar nga coronavirusi dhe ditën e sotme ka lënë një nga spitalet e Kinës, aty ku ishte i shtruar prej tre javësh.
Lajmi u konfirmua nga ekipi i tij, Shandong Luneng, ku me anë të rrjeteve sociale njoftuan: “Fellaini u ekzaminua, doli i shëruar dhe ishte në gjendje të linte spitalin dy ditë më parë”, njoftoi klubi kinez.
Mesfushori 32-vjeçar, ishte i vetmi lojtar i konfirmuar pozitiv me Covid-19 në Super Ligën Kineze (CSL). Belgu u konfirmua pozitiv më 22 mars, ndërsa i siguroi fansave që ndihej mirë.
Tashmë lojtari, do të kalojë 14 ditë në karantinë për vëzhgim të mëtejshëm.
