Stërvitja e katër lojtarëve të Tiranës është ndërprerë në mes ditën e sotme. Ata po kryenin vrapime në stadiumin “Selman Stërmasi”, të ndarë në dy grupe me nga dy persona.
Policia ka zbarkuar në stadium dhe i ka kërkuar atyre të ndalonin aktivitetin fizik dhe të largoheshin nga stadiumi, për shkak se nuk lejohen grumbullime në këtë periudhë karantine.
Gjithsesi nuk është se vetëm lojtarët e Tiranës po stërviten në mënyrë të tillë. Diçka e ngjashme ndodh edhe në Durrës, aty ku lojtarët e Teutës stërviten prej ditësh të ndarë në grupe të vogla, duke respektuar edhe rregullat e distancës.
