Messi dhe Ronaldo kanë dominuar futbollin botëror për rreth 13 vjet tashmë, ndërsa krahasimet se kush mes tyre është më i miri kanë ekzistuar gjithmonë.
Të shumtë kanë qenë ata që kanë dhënë mendimin e tyre mbi këtë debat, ndërsa i fundit që e ka bërë këtë, është mesfushori i Man.United, Nemanja Matiç.
Në një intervistë për “Omnisport”, serbi ka deklaruar se nuk mund ta ndajë dyshen legjendare por ka deklaruar se të dy ata kanë kaluar çdo legjendë tjetër në historinë e futbollit.
“Ata janë të ndryshëm nga njëri-tjetri. Ronaldo, sigurisht, ka pasur talent por më së shumti suksesi i tij i detyrohet punës kolosale të pandërprerë. Messi nga ana tjetër është i talentuar. Nuk po them që nuk ka punuar se do të ishte çmenduri por janë gjëra të ndryshme. Për mua është e vështirë të thuash kush është më i miri, por mendoj që ata janë më të mirët që ka parë historia e topit”.
