Laboratori kinez ku mendohet se ka lindur virusi i ri COVID-19, ka përdorur para të qeverisë amerikane për të kryer hulumtime për lakuriqët e natës.
Instituti i Virologjisë në Wuhan ndërmori eksperimente mbi gjitarë të kapur më shumë se 1.000 milje larg në Yunnan, të cilat u financuan nga një grant prej 3.7 milion dollarë nga qeveria amerikane, raporton “Daily Mail”
Kjo ka ngjallur frikë të mëtejshme se ishte laboratori dhe jo tregu ai që infektoi botën. Instituti ndodhet vetëm 20 milje larg tregut të ushqimit, ku fillimisht besohej se filloi shpërthimi.
Ekspertët vazhdojnë të thonë se virusi është transferuar nga kafsha te njeriu dhe nuk është krijuar me laborator në Kinë siç pretendojnë disa teori konspirative.
Kongresmeni amerikan Matt Gaetz tha: “Unë jam i neveritur për të mësuar se për vite me radhë qeveria amerikane ka financuar eksperimente të rrezikshme dhe mizore të kafshëve në Institutin Wuhan, të cilat mund të kenë kontribuar në përhapjen globale të koronavirusit, dhe hulumtime në laboratorë të tjerë në Kinë që praktikisht nuk kanë asnjë mbikëqyrje nga autoritetet amerikane”.
Sipas dokumenteve të marra nga The Mail të dielën, shkencëtarët atje eksperimentuan në lakuriqë nate si pjesë e një projekti të financuar nga Instituti Kombëtar i Shëndetit i SHBA, i cili vazhdon të licencojë laboratorin Wuhan për të marrë para amerikane për eksperimente.
