Kur do e marrë veten Bota nga goditja e pandemisë së Covid-19? Kjo është pyetja që ekspertët po tentojnë t´i japin përgjigje referuar rezistencës së secilit vend.
BBC në një analizë të saj tregon se cilat janë 5 vendet që do i rezistojnë më shumë krizës dhe që do të kthehen më shpejt në këmbë.
Këto vende janë: Danimarka, Singapori, Shtetet e Bashkuara të Amerikës, Ruanda dhe Zelanda e Re.
BBC mbështetet kryesisht te Indeksi Global i Rezistencës për të bërë këtë analizë, por jo vetëm aty.
Indeksi është të hartuar nga kompania e sigurimeve FM Global.
Në renditjen totale, Shqipëria është në vendin e 95 në botë, me një pikëzim prej 30.7, ku 100 është maksimalja e pikëve.
Bosnja është në vendin e 70 në botë, Bullgaria në vendin e 45-të, Kroacia në vendin e 37, Mali i Zi është në vendin e 82-të, Maqedonia e Veriut në vendin e 100 dhe Serbia në vendin e 63-të.
Sa i përket rezistencës ekonomike, Shqipëria është në vendin e 91-të. Sa i përket cilësisë së rrezikut, ajo ndodhet në vendin e 118 në botë. Kurse në lidhje me rrjetin e furnizimit, Shqipëria është në vendin e 78.
