Willy Sagnol, ish-lojtar i Bayern Munich dhe Kombëtares franceze, ka zbuluar përpjekjet e tij të dështuara për të bindur Bayern-in për të siguruar shërbimet e Varane.
Në një intervistë për “RMC Sport”, ish-mbrojtësi anësor francez, tregon se pas karrierës së tij futbollistike punonte si “scout” për klubin bavarez, ndërsa në të njëjtën kohë Varane ishte pjesë e skuadrës së Lens.
“Kur punoja si zbulues talentesh për Bayernin, një shok më tha të shikoja një lojtar të ri që luante për Lens. Kështu bëra dhe vetëm pas një pjese loje kuptova talentin e tij, e pashë se sa i maturuar ishte në lojë edhe pse ishte në një moshë të re”.
“Kisha disa lidhje me klubin e Lensi-t dhe Brenda 48 orësh, arrita të marr një çmim për të. Më thanë që për 5 milionë euro mund ta merrnim. I dorëzova dosjen klubit të Bayern-it, por më thanë që 5 milionë ishin shumë për një 18-vjeçar. Ndërsa vetëm dy muaj më vonë u largua te Real Madrid për 10 milionë euro”.
