Kapiteni i Atalantës, Papu Gomez, ka folur për vështirësitë e stërvitjes gjatë izolimit si dhe për rinisjen e sezonit të Serisë A.
Qyteti i Bergamos është goditur rëndë nga pandemia e koronavirusit, ndërsa Gomezit nuk i ka mbetur gjë tjetër duke e parë situatën nga shtëpia e tij. Duke folur në një lidhje direkte në “Facebook”, Gomez ka deklaruar:
“Do të jetë me të vërtetë e vështirë për t’u rikthyer në fushë pas dy muajsh pushimi pa bërë as një lloj aktiviteti. Nëse ne do të fillojmë të luajmë përsëri në qershor dhe korrik, kjo do të jetë gjithashtu e vështirë, sepse ne nuk jemi mësuar me atë lloj nxehtësie. Në atë kohë temperaturat janë mjaft të larta në Itali” .
“Gjatë kësaj kohe jam përpjekur të kujdesem për formën fizike, duke u ushtruar në mënyra të ndryshme. Por duke qenë i mbyllur në shtëpi, tundimi për të konsumuar më shumë ushqim se zakonisht është i madh”.
Futbolli në Itali është pezulluar prej më shumë se një muaji. Së fundmi po planifikohet që skuadrat të rikthehen në stërvitje më 4 maj ndërsa ndeshjet të startojnë në 31 maj, kuptohet që gjithçka do të ishte me dyer të mbyllura.
