Një grua e pikëlluar tregon se si vëllai i saj i vogël, vdiq i vetëm në spital, disa orë pasi nëna e tyre e kishte gjetur atë të shtrirë në dyshemenë e dhomës së tij të gjumit.
Din Meki (Dean Mckee), 28 vjeç nga Londra perëndimore, vdiq këtë të martë pasi kishte tetë ditë që kishte shfaqur simptoma të COVID-19 si temperaturë, lodhje, por jo kollë.
Është dita e katërt që ka vdekur dhe familja e viktimës pohon e trishtuar se ende nuk e di se ku po mbahet trupi i të afërmit të tyre dhe nuk e di as se kur mund të zhvillojnë varrimin e tij.
“Nuk prisja kurrë të vdiste”, tha motra e tij Luiza gjatë një interviste. “Vëllai ynë, Riçardi i thoshte vazhdimisht të shkonte në spital, por unë jo. Mendova se gjendja e tij do të përmirësohej. Ndoshta u tregova shumë naive”, shtoi ajo.
