Një tjetër paciente ka humbur jetën në spitalin Infektiv si pasojë e Covid-19, duke e çuar numrin e viktimave nga koronavirusi në Shqipëri në 23 persona.
Pacientja V.S që ka humbur jetën është një 72 vjeçare nga Tirana, e cila ndodhej në gjendje të rëndë shëndetësore, e intubuar.
Pacientja vuante nga sëmundje bashkëshoqëruese, insuficenca renale kronike, hipertensioni dhe dhe sipas mjekëve koronavirusi i ka rënduar gjendjen shëndetësore.
72-vjeçarja ka humbur jetën mbrëmjen e djeshme.
Referuar shifrave zyrtare, në Shqipëri koronavirusi ka prekur 409 persona, ndërkohë që kjo javë ishte cilësuar si ajo e rënies së kurbës.
